.:: Цавчуур цэг ком МУСК дэлгэцнээ.. ::.

“Элсний нүүдэл”, “Шүрэн бугуйвч” гэсэн кинонуудыг бүтээж байсан “C.A.C pictures”-ийнхэн тун удахгүй гурав дахь киноны уран бүтээл болох “Цавчуур цэг ком” нэртэй уран сайхны киноны нээлтээ хийхээр зэхээд байна. “tsavchuur.com” кинонд залуусын хайр сэтгэл, гэнэн цайлган зангийн тухай өгүүлэх гэнэ.

“Цавчуур цэг ком” киноны зо¬хиолыг Н.Түвшинбаяр бичиж, най¬руулагчаар Д.Амар, зураглаачаар Л.Сүхбаатар ажиллаж байна. Бүжингийн дүрд Хөг¬жим бүжгийн коллежийн 1-р дамжааны оюутан Х.Тунгалагтамир, Жошуагийн дүрийг “Монгол модель” агентлагийн загвар өмсөгч Д.Баяртогтох нар тоглож байгаа юм байна.

“ЦАВЧУУР ЦЭГ КОМ” киноны товч танилцуулга

21 –р зууны хүн төрөлхтөн бид мэдээлэл технологийн эринд амьдарч байна гэдэгт хэн ч маргахгүй биз.Энэ дундаас компьютергүйгээр интернэтгүйгээр би, та, тэд амьдралаа төсөөлж байна уу? Зарим хүмүүс магадгүй төсөөлж байж болох юм. Гэвч тэдний төсөөлсөн амьдрал тийм ч сонирхолтой биш болов уу.
Өнөөдөр бид интернэтээс бүхий л хэрэгцээтэй мэдээллээ авч ажлаа явуулж бараагаа зарж тэр ч бүү хэл амьдралынхаа ханийг хүртэл олж цаашилбал компьютерийн аргаар банк хүртэл дээрэмдэх боломжтой болжээ.
Чухамхүү ийм л компьютерийн мангас болсон 3 залуу интернэтэд эротик реалити шоу сайт байгуулж түүгээрээ мөнгө олох аргыг сэднэ.Үүнд ямар техник хэрэгсэлхэр хурдтай компьютер ямар программ хэрэгтэйг тэд сайн мэдэх юм.
Ингээд тэд хамгийн царайлаг болох нэгнийгээ камертай шил зүүлгэн охидын анд гарцгаана. Тэд охинтой танилцан улмаар ойр дотно болж оронд орох хүртэлх бүх процессийг камерт бичин тэр бичилгээ өөрсдийн байгуулсан эротик реалити шоу сайт болох “цавчуур.com”-д байрлуулна.Энэ бизнес ашиг авчирах тусам залуус ямар аюултай үр дагавар авчирч болохыг огоорон улам улайрна…

Киноны албан ёсны веб хуудас: http://www.cac-tsavchuur.com/